പ്രധാനമന്ത്രി റോജ്ഗർ യോജന (പിഎംആർവൈ).

തൊഴിൽരഹിതരായ ആളുകൾക്ക് ലാഭകരമായ തൊഴിൽ നൽകുന്നതിനായി കേന്ദ്ര സർക്കാർ ആരംഭിച്ച പദ്ധതിയാണ് പ്രധാനമന്ത്രി റോജ്ഗർ യോജന (പിഎംആർവൈ). വിദ്യാസമ്പന്നരും തൊഴിലില്ലാത്തവരുമായ യുവാക്കൾക്ക് സാമ്പത്തിക സഹായം ലഭ്യമാക്കി, ലാഭകരമായി തൊഴിൽ നേടാൻ സഹായിക്കുകയാണ് പദ്ധതിയുടെ ലക്ഷ്യം.

യോഗ്യതാ മാനദണ്ഡം : 18 നും 35 നും ഇടയിൽ പ്രായമുള്ളവരായിരിക്കണം.എസ്‌സി/എസ്ടി ഉദ്യോഗാർത്ഥികൾ, സ്ത്രീകൾ, വിമുക്തഭടന്മാർ, ശാരീരിക വെല്ലുവിളി നേരിടുന്ന വ്യക്തികൾ എന്നിവർക്ക് വയസിൽ 10 വർഷത്തെ ഇളവ് ലഭിയ്ക്കും.

വിദ്യാഭ്യാസയോഗ്യത : അപേക്ഷകൻ എട്ടാം ക്ലാസ് പാസായിരിക്കണം. കുറഞ്ഞത് 6 മാസമെങ്കിലും സർക്കാർ അംഗീകൃത സ്ഥാപനത്തിൽ ഏതെങ്കിലും ട്രേഡിനായി പരിശീലനം നേടിയ വ്യക്തികൾക്ക് മുൻഗണനകൾ നൽകും.കുടുംബ വരുമാനം : അപേക്ഷകന്റെ കുടുംബ വരുമാനം പ്രതിമാസം 40,000 രൂപയിൽ കവിയരുത്. അപേക്ഷകന്റേയും പങ്കാളി അല്ലെങ്കിൽ മാതാപിതാക്കളുടെയും വരുമാനം ഇതിൽ ഉൾപ്പെടുന്നു.

താമസസ്ഥലം : അപേക്ഷകൻ നിലവിൽ താമസിക്കുന്ന പ്രദേശത്ത് കുറഞ്ഞത് 3 വർഷമെങ്കിലും സ്ഥിരതാമസക്കാരനായിരിക്കണം.

ലോൺ വീഴ്ച്ചകൾ : അപേക്ഷകൻ മുൻകാലങ്ങളിൽ ലോൺ ഡിഫോൾട്ടറായിരിക്കരുത്.

ആവശ്യമായ രേഖകൾ : ജനന സർട്ടിഫിക്കറ്റ്,SSC സർട്ടിഫിക്കറ്റ് അല്ലെങ്കിൽ പഠിച്ച സ്കൂളിൽ നിന്നുള്ള TC എന്നിവ പോലുള്ള നിങ്ങളുടെ ജനനത്തീയതിയുടെ തെളിവ്.റേഷൻ കാർഡ് അല്ലെങ്കിൽ ന താമസത്തിന്റെ തെളിവ് നൽകുന്ന മറ്റേതെങ്കിലും രേഖകൾ.MRO (മണ്ഡൽ റവന്യൂ ഓഫീസർ) നൽകുന്ന വരുമാന സർട്ടിഫിക്കറ്റ്.യോഗ്യത, പരിചയം, സാങ്കേതിക സർട്ടിഫിക്കറ്റുകൾ.വാഹനം ഓടിക്കാനുള്ള അനുമതിപത്രം,EDP ​​പരിശീലന സർട്ടിഫിക്കറ്റ്നിർദ്ദിഷ്ട പ്രോജക്റ്റ് പ്രൊഫൈലിന്റെ ഒരു പകർപ്പ്.

കൂടുതൽ വിവരങ്ങൾക്ക് :https://www.dcmsme.gov.in/publications/pmryprof/ABOUTPMRY.html