സബോർഡിനേറ്റ് തസ്തികകളിൽ ജോലി ചെയ്യാം

കേരളത്തിലുള്ള സബോർഡിനേറ്റ് കോടതികളിൽ സിസ്റ്റം അസിസ്റ്റന്റുമാരെ കരാർ അടിസ്ഥാനത്തിൽ നിയമിക്കുന്നതിന്, കേരള ഹൈക്കോടതി വിജ്ഞാപനം പ്രസിദ്ധീകരിച്ചു. സിസ്റ്റം അസിസ്റ്റന്റ് 90 ഒഴിവുകളാണുള്ളത്. 21,850 രൂപയാണ് ശമ്പളം. ഗവൺമെന്റ് അംഗീകാരമുള്ള ത്രിവത്സര ഡിപ്ലോമയോ (കംപ്യൂട്ടർ/ ഇലക്‌ട്രോണിക്സ്) ബി.എസ്‌സി. (കംപ്യൂട്ടർ സയൻസ്)/ ബി.സി.എ അല്ലെങ്കിൽ അനുബന്ധമേഖലയിൽ മറ്റ് ഉയർന്ന യോഗ്യതയോ ഉണ്ടായിരിക്കണം. കംപ്യൂട്ടർ നെറ്റ് വർക്കിങ്, ഹാർഡ്‌വേർ ട്രബിൾഷൂട്ടിങ് എന്നിവയിൽ കുറഞ്ഞത് രണ്ടുവർഷ പ്രവൃത്തിപരിചയം നിർബന്ധമാണ്.

അപേക്ഷകർ 02-01-1982-നോ അതിന് ശേഷമോ ജനിച്ചവരായിരിക്കണം. അപേക്ഷകരിൽ നിന്ന് ഷോര്‍ട്ട് ലിസ്റ്റ് ചെയ്യുന്നവര്‍ക്ക് അനലറ്റിക്കല്‍/ ടെക്നിക്കല്‍ ടെസ്റ്റ് (ആവശ്യമെങ്കില്‍), അഭിമുഖം എന്നിവ നടത്തിയ ശേഷം റാങ്ക് ലിസ്റ്റ് അടിസ്ഥാനമാക്കി ഹൈക്കോടതിയാണ് നിയമനക്കാര്യത്തിൽ അന്തിമ തീരുമാനമെടുക്കുക.റാങ്ക് ലിസ്റ്റിന്റെ കാലാവധി രണ്ട് വര്‍ഷമായിരിക്കും. രണ്ടു വർഷത്തേക്ക് കരാര്‍ അടിസ്ഥാനത്തിലാവും ആദ്യ നിയമനമെങ്കിലും പിന്നീട് നീട്ടിക്കിട്ടാം.

അപേക്ഷകൾ ; നിര്‍ദ്ധിഷ്ട മാതൃകയില്‍ തയ്യാറാക്കി പ്രായം, യോഗ്യത, ഫോട്ടോ പതിച്ച തിരിച്ചറിയല്‍ രേഖ, ഇന്‍ഡസ്ട്രി സര്‍ട്ടിഫിക്കേഷന്‍, പ്രവൃത്തിപരിചയം തുടങ്ങിയ അനുബന്ധ രേഖകളുടെ സ്വയം സാക്ഷ്യപ്പെടുത്തിയ പകര്‍പ്പുകൾ സഹിതം നേരിട്ട് സമര്‍പ്പിക്കുകയോ തപാല്‍/ സ്പീഡ് പോസ്റ്റ് ആയി അയയ്ക്കുകയോ വേണം.അപേക്ഷാ ഫീസുണ്ടായിരിക്കില്ല.

വിലാസം: The Registrar Computerisation)-Cum-Director (IT), High Court of Kerala, Kochi, 682031. നേരിട്ട് സമര്‍പ്പിക്കുന്നുവെങ്കിൽ : eCourt cell, 5th floor,High Court of Kerala, Ernakulam. അവസാന തിയ്യതി : മാർച്ച് – 6. വിവരങ്ങൾക്ക് വിളിക്കാം : 0484-256 2575 സന്ദർശിക്കുക :  www.hckrecruitment.nic.in